Skip to content
Новак Ѓоковиќ, еден од најдобрите спортисти на денешницата, е познат по тоа што многу строго и дисциплинирано се грижи за исхраната и се што внесува во своето тело, а со текот на времето целосно исфрли одредени намирници.
Познато е дека Новак Ѓоковиќ откако открил дека боледува од целијакија, се префрлил на безглутенска диета, која брзо позитивно се одразила на неговата општа состојба, форма и игра. На веб-страницата novakdjokovic.rs е опишано како по елиминацијата на глутенот во 2010 година, неговото ниво на енергија значително се зголемило и речиси веднаш се ослободил од хроничниот замор.
Во последните години Ѓоковиќ не конзумирал ништо што потекнува од животни, вклучувајќи месо, млеко, сирење и јајца.
– Среќен сум што сум на ваква диета и што играм на ова ниво. На почетокот имаше многу критики, луѓето околу мене не веруваа дека можам да издржам, имаше многу сомнежи и прашања. Поминав низ различни фази на адаптација на нов начин на живот – рече Новак и додаде:
– Ова не е само диета – има и етичка причина, свесност за се што им се случува на животните, колење и услови на фармите. Сето ова има огромно влијание врз климатските промени, иако многумина не сакаат да зборуваат за тоа. Тоа ми е поважно од самата игра – тоа е пристап кон животот со кој се гордеам. Се надевам дека мојот пример ќе ги инспирира другите спортисти да се префрлат на ваков режим, бидејќи можат добро да се опорават, да имаат сила и мускули. Јас не сум кревач на тегови, но имам совршен баланс на сила, брзина и издржливост.
Љубица со години му готви на Новак Ѓоковиќ и тврди дека ова е најголемата грешка што ја прават луѓето при печењето месо на скара.
Млеко и млечни производи
На гореспоменатата веб-страница се посочува дека уште една важна промена во исхраната на Ѓоковиќ била елиминацијата на млекото и млечните производи.
Како и глутенот, млекото може да предизвика воспаление и дигестивни проблеми кај многу луѓе. За Новак оваа промена го подобрила варењето и помогнала во решавање на респираторните проблеми, а позитивно влијаела и на неговата издржливост на теренот.
Друга храна која е строго забранета во куќата на Ѓоковиќ е – шеќерот. Позната е анегдота за тоа како по освојувањето на Австралија опен во 2012 година сакал чоколадо и си дозволил само една коцка.
Секако, тоа не значи дека не консумира јаглехидрати – за ручек често јаде тестенини, но исклучиво без глутен. Тој всушност ги избегнува преработените шеќери кои се наоѓаат во бонбоните и газираните сокови.
Слатко на кое не може да одолее се урмите – богати со влакна и со низок гликемиски индекс тие се одличен избор кога сакате десерт, пишува Блиц.
