(ВИДЕО)Репортажа на 360 степени, од болниците во Солун и Софија за текот на лекувањето на повредените – докторите воздржани, родителите вознемирени и истоштени од исчекување

Во најновата емисија на 360 степени погледнете ги репортажите од болниците во Солун и Софија каде што се лекуваат повредените од пожарот во Кочани.

– Репортажа од болницата „Папаниколау“ во Солун за текот на лекувањето на повредените во пожарот во Кочани – докторите воздржани, родителите вознемирени и истоштени од исчекување;

– И во софиската болница „Пирогов“ трае битката на лекарите за животите на осуммина повреди во стравотниот пожар: „Се бориме со второстепени проблеми, главно инфекции“, вели директорот на болницата; сведоштва од лекари во Итната помош, по потекло од Македонија, кои учествувале во транспортот на повредени;

– Пратеникот во бугарското Народно собрание, Манол Пејков, сè уште не ја предал собранатa донација од 27 илјади евра: „Сакаме парите да завршат кај оние на кои им се најпотребни“, вели тој; – Зошто актуелни директори не се опфатени со истрагата за трагедијата во Кочани

– од Јавното обвинителство одговараат дека „во однос на активностите на Државниот пазарен инспекторат и Дирекцијата за заштита и спасување… МВР продолжува да врши проверки…“;

– Во Секретаријатот на Енергетската заедница во Виена го чекаат образложението од Владата за разрешувањето на двајца членови на Регулаторната комисија за енергетика: „Ако судијата го разрешите среде мечот, тоа е мешање во независноста на судијата“, вели директорот Артур Лорковски;