(ВИДЕО)Заборавениот појадок од соседството, кој повторно стана популарен

Ако сакате традиционални јадења кои брзо се подготвуваат, а уште побрзо се јадат, сега е вистинското време да се запознаете со омак – старомоден босански појадок кој некогаш бил неопходен дел од утринската трпеза.

Иако денес е малку подзаборавен, омакот сè уште останува вистински локален класик: едноставен, заситувачки и совршен со сомун или парче леб – но без лажица! Омакот се јаде со раце, исто како што се јадел некогаш во топлите, домашни кујни, пишува City Magazine.

Рецепт за омак – едноставен, домашен појадок

Состојки:

2 јајца

350 мл млеко

прстофат сол

1 полна лажица брашно

1 коцка путер

Подготовка:

Растопете го путерот во тава на тивок оган.

Изматете ги јајцата и млекото во посебен сад, додадете брашно и сол, а потоа добро измешајте сè додека не добиете мазна смеса.

Кога путерот ќе се загрее, истурете ја смесата во тавата и мешајте постојано. Целта е да се одржи кремаста текстура – омакот не смее да биде ниту преварен, ниту премногу течен.

Ќе знаете дека е готов кога ќе повлечете линија низ средината со лажица, а смесата не се разлие веднаш.

Сервирајте го веднаш, со лепче – и, се разбира, без прибор. Омакот се јаде со раце, исто како што правеле и генерациите пред нас.