Жената која му го скрши срцето на папата Франциск: Тој се ракоположил поради неа

Папата Франциско во младоста бил заљубен во Амалија Дамонте, а поради неуспешната љубов станал свештеник.

Беше омилен папа, но неговиот живот пред верата бил сосема поинаков. Тој бил исклучителен млад човек кој живеел нормален световен живот, па во минатото работел како обезбедување во ноќен клуб и учител, пишува Дневник.хр.

Пред да биде ракоположен, папата Франциск се викал Хорхе Бергољо и имал девојка со која ја делеше страста за тангото, танц кој бил исклучително популарен во Аргентина. Во едно интервју од 2010 година, тој се присетил како танцувале и поминувале време заедно, но со текот на времето почувствувал повик кон духовниот живот, што го навело да се посвети на свештеничкиот позив.

Уште како дванаесетгодишно момче, тој се заљубил во својата сосетка Амалија Дамонте во населбата Флорес во Буенос Аирес и уште тогаш и испратил писмо во кое опишува како ќе изгледа нивната иднина еден ден кога ќе се венчаат.

“Тој беше зрело, прекрасно момче. Игравме на тротоарите или во парковите во околината, танцувавме… нешто многу убаво. Бевме многу скромни, ги сакавме сиромашните… Бевме сродни души во тоа”, изјави Амалија за аргентинските медиуми веднаш откако беше именуван за врховен водач.

Во едно љубовно писмо, Хорхе и напишал на Амалија: „Ако не се оженам за тебе, ќе станам свештеник“.

Заедно со писмото го нацртал и го прободел срцето со стрела, симбол на нивната младешка љубов.

Амалија била трогната од писмото, но нејзината мајка не ја одобрувала нивната врска. Штом дознала за писмото на Хорхе, и забранила да има понатамошен контакт со него. Нејзините родители и рекле дека „не е соодветно на девојката да излегува со момче кое веќе размислува за свештенички позив“.

Иако и двајцата продолжија со својот живот, тие никогаш повеќе не биле во контакт. Амалија, која сега има повеќе од 80 години, сè уште живее во истата населба каде што и двајцата пораснале, пишува Н1.