(ВИДЕО) „Фемили“ и „Кумани“ се судрија во Охрид, летаа дрва и камења

Денес околу 13 часот во Охрид се судрија навивачките групи на кошаркарските клубови МЗТ Скопје и Куманово. Проблемите почнаа кога навивачката група „Кумани“ низ плоштадот „бркаше“ неколку членови на „Фемили Аеродром“. По неколку минути од правец на чаршијата пристигнаа околу дваесетина навивачи на МЗТ Скопје кои со камења во рака почнаа да маваат кон дваесетина навивачи на навивачката група од Куманово. Пресметката со камења, дрва и факели траеше десетина минути. Двете групи на неколку пати тргнуваа едни кон други, но веднаш се повлекуваа. Настрадаа неколку возила кои беа паркирани во непосредна близина. Приведени се 23 лица, од кои двајца се малолетници. извор: Центарњус