БИБЛ лига: Куманово гостува во Пеќ

Кошаркарите на Куманово вечерва гостуваат во Пеќ, Косово, во натпревар од 13. коло на регионалната кошаркарска Балканска лига (БИБЛ).

Во дуел за горниот дел од табелата за Кумановчани победа е императив на вечерашниот дуел против екипата на Пеќ која со една победа помалку е веднаш зад Куманово на шестото место на табелата. Вториот македонски претставник во БИБЛ лигата, тимот на Кожув по вчерашниот пораз во Романија кај Крајова со 72:61, сега е на пат кон Бугарија.

Гевгеличани утре, во заостанат натпревар од 12. коло, гостуваат во Самоков кај последно пласираната екипа во БИБЛ конкуренцијата Балкан.