Оваа власт ќе биде срушена, веќе ме загрижува власта која ќе дојде после

Оваа власт ќе биде срушена. Тоа е веќе несомнено.Ни најтолерантниот, најмирниот, најуплашениот народ како што е македонскиот, не може да остане рамнодушен на она што му го приреди оваа власт.

Мене веќе ме загрижува власта која што ќе дојде после.

ВМРО-ДПМНЕ дојдоа на веќе подготвен терен на кој можеа да ги развиваат до невидени размери насилството, бескрупулозноста, примитивизмот, алчноста, … Меѓутоа теренот беше погоден. Разнишани демократски институции, заобиколување на правилата, прилагодување на законите, отсуство на партиципација на граѓаните и негирање на контролните механизми на власта. Се беше тука.

Од тие кои ќе дојдат на власт не очекувам да отпуштаат луѓе. Не очекувам да запослуваат луѓе. Не очекувам да затвораат бизниси на неистомисленици и да отвораат бизниси на истомисленици.

Очекувам воспоставување на логичен систем од ПРАВИЛА, ПРОЦЕДУРИ И КРИТЕРИУМИ. И ЕДНАКВА ПРИМЕНА НА ПРАВИЛАТА, ПРОЦЕДУРИТЕ И КРИТЕРИУМИТЕ ЗА СИТЕ. Ни помалку ни повеќе.

И ПРВО ПРАВИЛО: ПРАВИЛАТА, ПРОЦЕДУРИТЕ И КРИТЕРИУМИТЕ ПРЕД СЕ ВАЖАТ ЗА ОНИЕ КОИ СЕ НА ВЛАСТ. ЗА НИВ НЕМА ОТСТАПКИ, НЕМА ГЛЕДАЊЕ НИЗ ПРСТИ, НЕМА ПОПУШТАЊЕ. ВЛАСТА НЕ Е ПРИВИЛЕГИЈА ТУКУ ОДГОВОРНОСТ. ЛИЧНА.

Фејсбук статус на Мирјана Најчевска