Приведени братот и сестрата на Чауш – осомничен за фалсификување документи

Братот и сестрата на осомничениот за тајната работилница за фалсификување документи Захир Бекири Чауш се приведени и во моментов се наоѓаат во полициската станица во Кисела Вода, дознава НОВАТВ.

Двајцата се осомничени за истите дела како и Чаушот – фалсификување на документи.

Еден месец по објавувањето на аферата во неделникот „Фокус“, со која се откри дека на две тајни локации се изработувале повеќе десетици илјади фалсификувани лични карти, Скопското Обвинителство соопшти дека е откриена е тајна работилница каде се вршело фалсификување на документи.

Обвинителство тврдеше дека при претресот во домот на Захир Бекири пронајдени биле обрасци за патни исправи, лични карти и други документи, како и опрема за фалсификување, преси, секачи и друго.

Извор: Либертас