Девојка почина, други три лица тешко повредени во сообраќајка во тетовско

20 годишна девојка од тетовски Требош го загуби животот во синоќешната тешка сообраќајка што се случила на локалниот пат Тетово-Требош.Таа била сопатничка во автомобилот, во кој се превезувале уште три лица.33 годишниот возач,15 годишно момче и другата 23 годишна сопатничка, по укажаната лекарска помош во тетовската клиничка болница, итно се префрлени на скопските клиники.На сите тројца, здравствената состојба им е тешка и сериозна.

Според првичните информации, возачот од засега непознати причини,изгубил контрола, по што автомобилот се превртел и удрил во блиските дрвја.Извршен е увид, возилото е предадено за вештачење, а полицијата работи на целосно расветлување на причините за сообраќајката.