Започнува чистката во Барса

Промените во Барселона почнуваат. Според локалниот весник „АС“, еден од важните први чекори ќе биде поврзан со збогувањето со седум играчи. Овој потег ќе се активира без разлика дали ќе се одржуваат претседателски избори или не.

Според шпанските колеги, постои список на играчи кои нема да бидат во плановите на новиот тренер, без оглед кој е тој. Артур веќе се пресели во Јувентус. Тој стана дел од размената на договорот со „бјанконерите“, во кој беше вклучен и Миралем Пјаниќ.

Хрватот Иван Ракитиќ е следниот близу до напуштање, а заинтересирана е неговата поранешна екипа Севиља.

Данецот Мартин Брајтвајт исто така ќе го напушти клубот. Тој пристигна во Барса на почетокот на годината со големи очекувања, но неговиот настап беше неубедлив. Не е јасно дали тој ќе биде продаден или едноставно ќе биде ослободен.

Чилеанецот Артуро Видал ќе биде искористен како „монета“ за договарање, наводно во договор со Лаутаро Мартинез. Ист е случајот со Жуниор Фирпо.

Покомплицирана се чини дека е сложувалката со Самуел Умтити, кој има проблеми со левото колено. Клубот сака да го раскине договорот доколку не пристигне понуда. Тој добива околу 12 милиони евра годишно, што е сериозен трошок за Барселона.

И Усман Дембеле е на „црната листа“. Проблемите со повредите и хаотичното однесување надвор од теренот се клучни за одлуката да се разделат Каталонците со него. Дембеле е вреден околу 24 милиони евра, а овие пари може да се искористат за купување на Ерик Гарсија од Манчестер Сити.

Покрај седумте играчи, во првото сито има и 5 други играчи кои можат да се сметаат за такви кои „добиле жолт картон“. Тоа се Нелсон Семедо, Луис Суарез, Серхи Роберто и Антоан Гризман, кои многу веројатно ќе заминат при добри понуди.

MИА

]]>