Индонезија: Пронајдена црната кутија без меморија од авионот што се урна на 9. јануари

Индонезиските нуркачи го пронашле уредот за снимање на гласови од пилотската кабина на авионот што минатата недела се урна во Јавското Море, а сè уште трага по неговата црна кутија со меморија, изјавил денеска поморскиот офицер Абдул Рашид.

– Го најдовме куќиштето и делот што го испраќа сигналот, а сега ја бараме меморијата – објаснил Абдул пред новинарите во директен телевизиски пренос на поморскиот брод „Ригел“.

Тој додал дека верува дека нуркачите ќе ја пронајдат и меморијата за неколку дена и дека црните кутии на авионот се обично силни и можат да го издржат ударот.

Авионот со 62 лица се урна на 9 јануари, веднаш по полетувањето од аеродромот во Џакарта. Во авионит имало 12 члена на екипажот и 50 патници, од кои седум деца и три бебиња. Сите се граѓани на Индонезија.

]]>