(ВИДЕО)Хоџа: Досега исплативме повеќе од 3,5 милијарди денари за субвенции, уште толку ќе се исплатат сега со ребалансот

Во интервју за Телевизија Сител, министерот за земјоделство Арјанит Хоџа изјави дека досега преку Платежната агенција се исплатени 3,5 милијарди денари за субвенции. Дополнително со усвојување на ребалнсот се додаваат 3 милијарди денари за директни субвенции и 500 милиони денари за рурален развој.

-Досега се исплатени субвенциите за поледелството, лозарството… сега следуваат градинарството и сточарството но и она што е останато за дополнителните мерки, како за млекото. Може да се случи дека има мало задоцнување поради ковидот, но во делот на планот на Платежната агенција 80% се реализирани и се исплатени субвенциите. Знаете, кога се планираат субвенциите се прави план за цела година и за сите мерки. Со ребалансот се реализира тој дел и доволно за покривање на годишниот план за субвенции. Дополнително заради кризата доделивме над 400 милиони денари за лозарството, а сега во финална фаза е законот за тутунопроизводителите за 5 пакет мерки со над 300 милиони денари. Значи освен редовните субвенции сме одвоиле дополнителен пакет на поддршка на земјоделците поради ковид кризата – изјави Хоџа.

]]>