Луѓето го исмејуваат: Новинар на ХРТ известува од Израел како да бега од бомби, зад него жени си пишуваат на мобилни

Новинарот Петар Влахов синоќа информираше директно од Тел Авив за Дневник 2 на ХРТ и веднаш стана предмет на потсмев на Твитер.

Влахов известуваше за ХРТ легнат на земја како да се крие од бомби, додека две жени зад него стоеја сосема опуштени покрај автомобил и си пишуваа на мобилните.

naš junački reporter u borbi za goli život pic.twitter.com/DpeSr5F5oW

— borrissey (@brrssy) October 11, 2023

Тој имаше заштитна зелена кацига на главата и не носеше панцир, додека сите други репортери во Израел носат панцир со натпис PRESS и сина кацига, бидејќи во сите воени зони новинарите мора да бидат обележани. Не е познато од каде му е зелениот шлем на Влахов, може да се претпостави дека го позајмил од војник.

Новинарот во Дневникот рече дека штотуку бил сведок на ракетен напад на Хамас и дека тој и сите други виделе неколку ракети. Тој додаде дека морале да избегаат од автомобилите.