Како да го избегнете грипот?

Грипот е најраспространета заразна болест, се шири многу брзо и затоа на ваквите болести секогаш треба да се размислува превентивно.

Редовно мијте ги рацете

Вирусот на грип не се пренесува само преку воздухот кога болните киваат и кашлаат, туку и преку валкани раце. Затоа треба што почесто да ги миете рацете, штом ќе влезете дома или ќе дојдете на работа, како и пред јадење. Кога се поздравувате, избегнувајте ракување и бакнување.

Влажни марамчиња

Влажните марамчиња можат да ви помогнат доколку сте допреле разни предмети, а при рака немате чешма со вода.

Исхрана

Намирници кои треба да се конзумираат овој период се: овошје и сокови, јаболка, портокали, лимони, банани, суво грозје, зеленчук: зелка, кисела зелка, краставици, туршија…

Топли пијалоци

Колку што е можно повеќе чај со малку шеќер или со мед – тој е еден од најдобрите зимски лекови против грип и настинка.

Пилешката супа е стар народен лек како сигурна алатка за превенција и третман на грип.

Избегнувајте контакт со болни луѓе

Ако се сомневате дека вашиот пријател или некој од членовите на неговото семејство е заразен, одложете ја посетата за друг ден.

Избегнување на собири

Доколку има епидемија на грип избегнувајте: полни автобуси, зачадени обложувалници, кина, театри и концерти, бидејќи таму има голема концентрација на здрави и болни луѓе.

Редовен сон

Ако редовно спиете и одмарате, го зајакнувате имунолошкиот систем, така што ќе имате помали шанси да добиете инфекција.

Вакцина

Вакцината за „обичен грип“ е добра и докажано ефикасна вакцина. Обично има доволно од оваа вакцина, така што постарите, хронично болните и ризичните групи треба да се вакцинираат секоја есен.