Џиновски зеленчук од Алјаска

70 килограми зелка, скоро 40 килограми диња и брокула тешка 17 килограми.

Зошто зеленчукот во Алјаска достигнува импозантни големини? Одговорот е едноставен – исклучиво поради Сонцето.

Алјаска генерално има многу кратка сезона на одгледување, со просек од 105 дена. За споредба, сезоната во Калифорнија трае три пати подолго. Предноста на Алјаска е должината на ноќта, која во лето трае помалку од 5 часа. Градините се на сонце, а зеленчукот не влегува во долги фази на одмор во текот на ноќта, туку само расте, расте и расте.

Природните бомби на фотосинтеза прават зеленчукот од Алјаска да има многу посладок вкус од кое било друго место во светот. Морковите, на пример, трошат 3⁄4 од денот за производство на шеќер, а само 1⁄4 од денот го претвораат тој шеќер во скроб. Зеленчукот како зелка, брокула, карфиол, аспарагус, цвекло, компири, спанаќ и зелена салата едноставно дивее.