Skip to content
Канадската пејачка Селин Дион (56), која се бори со синдромот на неизлечива вкочанета личност, го затвори свеченото отворање на Олимписките игри со прекрасен настап на Ајфеловата кула.
Иако поминаа 28 години oд нејзиното деби на Олимписките игри во 1996 година на стадионот во Атланта, со својот емотивен и моќен настап во француската престолнина, Селин докажа дека е апсолутен владетел на сцената.
Откако ги расплака фановите, Селин се огласи со искрена порака што ја објави на социјалните мрежи.
„Чест ми е што настапував вечерва на церемонијата на отворањето на Олимпијадата во Париз. Се радувам што се вратив во еден од моите омилени градови“, напиша Селин во објавата на платформата Х.
I’m honored to have performed tonight, for the Paris 2024 Opening Ceremony, and so full of joy to be back in one of my very favorite cities! Most of all, I’m so happy to be celebrating these amazing athletes, with all their stories of sacrifice and determination, pain and… pic.twitter.com/Ak6iKfhgzX
— Celine Dion (@celinedion) July 27, 2024
„Најмногу од сè, многу сум среќна што ги славам овие неверојатни спортисти, со сите нивни приказни за пожртвуваноста и решителноста, болката и истрајноста.
Сите сте толку фокусирани на вашиот сон и без разлика дали дома ќе однесете медал или не, тоа што сте тука значи дека вашиот сон се остварил! Треба да бидете горди, знаеме колку напорно сте работеле за да бидете најдобри од најдобрите. Останете фокусирани, продолжете понатаму. Моето срце е со вас. Селин хх…“, додаде таа.
Селин ја затвори церемонијата со одлична изведба на „L’Hymne а l’amour“ од француската пејачка Едит Пјаф, пеејќи од Ајфеловата кула. Ова е нејзиниот прв настап по објавувањето на дијагнозата на синдром на вкочанета личност во декември 2022 година.
Céline Dion has a rare autoimmune neurological disorder that causes muscle stiffness called stiff person syndrome. There is no treatment and she has not performed in 4 years. She just opened the Olympics with this stunning performance. Magnifique. pic.twitter.com/NAkgAJ6wIZ
— Dr. Lucky Tran (@luckytran) July 26, 2024
