(ВИДЕО) Довидување Париз: Затворени летните Олимписки игри

Со свечена церемонија синоќа официјално завршија Олимписките игри во Париз. Олимпиското знаме синоќа беше спуштено од јарболот и предадено на градоначалничката на Париз, Ан Идалго која му го предаде на претседателот на МОК, Томас Бах, кој пак ѝ го предаде на на градоначалничката на Лос Анџелес, Карен Бас. Потоа следеше химната на Соединетите Американски Држави каде во 2028 година од 14 до 30 јули ќе се одржат следните Олимписки игри.

Шоуто, се разбира, го украде актерот Том Круз. Многумина мислеа дека во Париз се подготвува за снимање на филм, но нему му припадна и честa да ги затвори Олимписките игри.

Toj се спушти помеѓу спортистите и го зеде олимпиското знаме, а потоа како сцена од филмот „Невозможна мисија“, безбедно, чувајќи го низ многу перипетии, го однесе знамето во САД, во претходно смимена секвенца, каде се спушти со падобран и му го предаде на легендарниот спортист Мајкл Џонсон за следните Олимписки игри.

Акробациите на Том Круз (62) во живо на стадионот ги виделе илјадници луѓе, а милиони ширум светот.

Неговиот настап се одржа при крајот на церемонијата, а неговото бомбастично појавување всушност ја претставува транзицијата на Олимписките игри од Париз во Лос Анџелес и настап на Били Ајлиш, Снуп Дог и Ред Хот Чили Пеперс.

  • видео, знаме, олимписки игри, Париз, Том Круз

Најнови вести

Најново од Спорт

Најчитани вести

  1. Сообраќајна несреќа синоќа предизвика пренасочување на сообраќајот на обиколницата во Скопје
  2. Почина Бошко Стаменковски – Македонска Каменица се простува од својот шампион
  3. (Видео) Оперскиот пејач Ристе Велков и неговиот син Адам загинаа во трагедијата на скопската обиколница
  4. „Осум години заложници на политиката“: Работниците од игрите на среќа излегоа на улица за да си ја одбранат егзистенцијата
  5. (ВИДЕО) МВР за трагедијата кај Скопската обиколница во која загинаа 4 лица
© 2026 | БАБИНСКИ ДООЕЛ Скопје | Сите права се задржани.