Skip to content
Есента е сезона која си има свои убавини и многумина ја очекуваат. Овој дел од годината со себе носи промена на бојата на лисјата и колоритна околина, но носи и голем број болести.
Еве зошто есента е тоа годишно време кога сме најмалку имуни на многу болести.
Временски услови
Еден од најзначајните фактори кои придонесуваат за есенските болести се непредвидливите временски услови карактеристични за овој период од годината. Преминот од топлите летни денови во постудени и повлажни услови е шок за имунолошкиот систем.
Променливите температури го ослабнуваат нашето тело и способноста да се прилагоди, што нè прави поподложни на инфекции.
Како што напредува есента, деновите стануваат се пократки и добиваме помалку сончеви часови. Ова намалување на изложеноста на сончева светлина во голема мера придонесува за намалување на нивото на витамин Д, кој игра клучна улога во функцијата на имунолошкиот систем, а неговиот недостаток може да доведе до слаба одбрана против вируси и бактерии.
Стрес и сезонски промени
Есента е преоден период, многу деца се враќаат на училиште или возрасни на работа по летниот распуст. Оваа промена може да доведе до зголемено ниво на стрес, што пак го потиснува нашиот имунолошки систем.
Како што станува постудено, луѓето поминуваат повеќе време во затворени простории, често во непосредна близина на други. Оваа зголемена гужва во затворен простор е плодна почва за ширење на инфекции како што се обичната настинка и грип. Ограничениот простор и заедничкиот воздух може го олеснуваат преносот на бактериите.
Алергии и мувла
Крајот на летото и почетокот на есента се обележани со сезоната на ајдучка трева. Дополнително, влагата што доаѓа со падот на температурите може да доведе до зголемување на мувлата која предизвикува респираторни проблеми, ги влошува алергиите и го загрозува имунитетот.
Како што се намалуваат температурите, луѓето често стануваат помалку склони кон активности на отворено и вежбање. Ова седечко однесување може да го ослаби имунолошкиот систем и да ги направи поединците поподложни на болести. Останувањето активни и одржувањето на здрав начин на живот е од суштинско значење за силен имунолошки одговор.
Одредени вируси цветаат во преодниот период од лето кон есен. На пример, риновирусот, честа причина за настинка, има тенденција да го достигне својот врв со доаѓањето на есента. Слично на тоа, вирусот на грип добива на интензитет додека луѓето се собираат во затворени простории, зголемувајќи ја веројатноста за пренесување.
Како што напредува есента, нашиот имунолошки систем се соочува со низа предизвици. Собрано се на куп, алергиите, вируси и стресни фактори, одбраната добива премногу работа и е преоптоварена, а за нас тоа значи дека некоја од „вратите“ за болестите е отворена.
