Нема да има разлика меѓу Бугарија и Романија на патот кон Шенген, рече Румен Радев

Нема да има разлика меѓу Бугарија и Романија на патот кон Шенген. Ова им порача на новинарите претседателот на Бугарија Румен Радев по учеството на прославата на празникот на копнените сили.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Романија ќе влезе во Шенген по копно од јануари 2025 година. Одлуката ќе биде донесена в петок во Будимпешта, најави романскиот премиер Марсел Чолаку во интервју за телевизијата „Антена 3“.

Очекуваме позитивен исход, но мојот апел, а и на голем број лидери со кои разговарав во Будимпешта, е дека не треба да брзаме да шпекулираме за ова прашање. Очекуваме позитивни вести од 12 декември, изјави Румен Радев.

– Изразив многу јасна оценка и уште еднаш ја запознав г-ѓа Силјановска со преговарачката рамка и општиот европски консензус од јули 2022 година, усвоен и со согласност на тогашната влада на Република Северна Македонија. Исто така – и со нашиот договор за пријателство, добрососедство и соработка, и со вториот протокол од овој договор, рече Румен Радев во врска со зборовите на претседателката на Северна Македонија, Гордана Силјановска.

Г-ѓа Силјановска, како добар правник, многу јасно е свесна дека обврските од меѓународните договори и меѓународните договори мора да се исполнат. Бугарија е подготвена да помогне за побрзо да се достигнат условите во меѓународните документи, за да се отвори вратата за почеток на преговорите, изјави и Румен Радев.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.

МИА