(ВИДЕО) Поплави на грчкиот остров Кефалонија, предупредување за невреме на Закинтос

Сериозни проблеми на патната инфраструктура и поплави предизвика невремето што од синоќа го зафати грчкиот остров Кефалонија, а денеска до жителите беше испратена порака од бројот за итни случаи 112 да ги ограничат нивните движења, додека пак оние од Закинтос добија порака со предупредување за „опасни временски појави“, јави дописничката на МИА од Атина.

Според грчките медиуми, поради обилниот дожд на Кефалонија се поплавиле делови од островот, било предизвикано лизгање на земјиштето, но и штети на патната инфраструктура.

Од бројот 112 за итни случаи денеска беше испратена порака до сите оние што се на островот поради „интензивните временски појави (врнежи од дожд) да ги ограничат нивните движења и да ги следат упатствата на властите“.

Порака од 112 добија и жителите на Закинтос со предупредување за невреме од денеска во следните 24 часа и исто како и за оние на Кефалонија, апелот е да ги ограничат движењата. 

МИА

Најнови вести

Најново од Македонија

Најчитани вести

  1. СДСМ: Пропаѓаат милијарди евра од ЕУ, а не 4 милиони евра – Македонија губи поради Мицкоски
  2. Процеси кои се случуваат во телото при вљубеност
  3. Нетанјаху нема да патува во САД следната недела; расте поддршката во Конгресот за прекин на воената помош за Израел
  4. Албанија: Стапи во сила законот за амнестија, се ослободуваат над 1.300 затвореници, не се опфатени осуденици за тешки кривични дела
  5. СДСМ: ВМРО-ОКГ повторно со дефокус – наместо за криминал и економски колапс, прават конструкции за ЈП ПОЦ
© 2026 | БАБИНСКИ ДООЕЛ Скопје | Сите права се задржани.