Неколкумина тешко повредени и најмалку десет лица се убиени во училиште во Австрија

Пукањето се случило непосредно пред 10:00 часот по локално време во средното училиште „Драјершуценгасе“ во Австрија, пренесува Би-Би-Си.

Неколкумина се тешко повредени, ученици и најмалку еден возрасен се убиени, а сторителот е меѓу загинатите, според полицијата.

Училиштето е обезбедено и во тек е голема полициска операција, а владини претставници наскоро ќе дадат ажурирање.

Идентитетот на сторителот е сè уште непознат, но локалните медиуми известуваат дека тој е поранешен ученик на училиштето.

Исто така, сè уште не се знае кој бил мотивот, ниту дали оружјето било нелегално или легално поседувано.

извор: Frontline.mk