Модар патлиџан во тегли

Состојки за маринада

1 литар оцет

2 литри вода

80 грама сол

80 грама шекер

1/2 пакетче бибер во зрна

2 глави лук

една рака магданос

по потреба масло за јадење,

модар патлиџан 3 килограми

1. Модриот патлиџан исечете го на форми по желба, посолете го и оставете 2 -3 часа да се отстои, па исцедете го.

2. Водата, оцетот, шеќерот, солта и биберот ставете во поголемо тенџере да зовријат. Ставајте во маринадата од модриот патлиџан да проврие на некоја минута, вадете со решеткаста лажица и ставајте го во цедилка. Се така додека се потроши патлиџанот.

3. Во тегли редете од исцедениот патлиџан, помегу редовите ставајте од исецканиот лук и магданос, залијте со зејтин и затворете.

Дел од теглите дополнете ги со мешавина од маслинов и обичен сончогледов зејтин, а дел само со сончогледово масло. Маслото треба да се стави за да пливаат во него патлиџаните, но не плашете се, сепак не е многу.

Кога ќе се наполнат теглите тие се топли, завиткајте ги и оставете за капачките добро да се затворат.