Мбапе се огласи по отказот на Чаби, еве што напиша

Чаби Алонсо 44) од денес повеќе не е тренер на Реал Мадрид, потврди Кралскиот клуб на својата официјална веб-страница. Чаби и Реал го раскинаа договорот по меѓусебна согласност само еден ден откако Мадрид загуби со 3:2 од Барселона во финалето на шпанскиот Суперкуп. Нов тренер ќе биде Алваро Арбелоа (42).

Околу два часа по објавувањето на заминувањето на Чаби, Килијан Мбапе објави приказна на Инстаграм во која се збогува со шпанскиот специјалист. „Беше кратко, но беше задоволство да играм за тебе и да учам од тебе. Ти благодарам што ми веруваше од првиот ден. Ќе те паметам како менаџер кој имаше јасни идеи и знаеше многу за фудбалот. Среќно во твоето следно поглавје“, напиша францускиот напаѓач на Инстаграм.

Алонсо си замина по само една полусезона
Алонсо го презеде Реал во мај 2025 година како наследник на Карло Анчелоти, кој го напушти Мадрид за да ја преземе бразилската репрезентација. Тој потпиша договор до јуни 2028 година и беше пречекан како логичен избор по одличната работа во Германија и се претвори во еден од најбараните европски тренери.

Поранешниот шпански играч од средниот ред го водеше тимот во 34 натпревари, оствари 24 победи, четири нерешени и шест порази. Реал остана на второто место на табелата во шпанското првенство со 45 освоени бода по 19 кола, четири помалку од лидерот Барселона. Тие се седми во Лигата на шампионите со 12 бода по шест кола, а во Купот стигнаа до осминафиналето, каде што Албасете ги очекува во среда. Тогаш новиот тренер ќе го има своето деби…