Ноќеска бензините поскапуваат за 1 денар, дизелот останува со иста цена

Од полноќ стапуваат во сила нови цени на горивата, при што бензините поскапуваат за еден денар по литар, додека цената на дизелот останува непроменета, соопшти Регулаторната комисија за енергетика (РКЕ).

Согласно одлуката, малопродажната цена на ЕУРОСУПЕР БС-95 ќе изнесува 74,5 денари за литар, додека ЕУРОСУПЕР БС-98 ќе се продава по 76,5 денари за литар.

ЕУРОДИЗЕЛ БС (Д-Е V) останува со иста цена и ќе чини 71 денар за литар. Непроменета останува и цената на маслото за горење Екстра лесно 1 (ЕЛ-1), кое ќе се продава по 70 денари за литар.

Кај мазутот М-1 НС е евидентирано зголемување од 1,022 денари по килограм, со што новата цена ќе изнесува 35,542 денари за килограм.