Иран се согласи со примирјето, набрзо се отвора Ормускиот Теснец

Иранскиот министер за надворешни работи Абас Арагчи соопшти дека Иран се согласува со предлогот на Пакистан за привремен прекин на воените дејствија и отворање на Ормускиот Теснец за период од две недели.

„Во име на Исламската Република Иран изразувам благодарност и признание до моите драги браќа, премиерот на Пакистан Шариф и фелдмаршалот Мунир за нивните неуморни напори за ставање крај на војната во регионот“, изјави Арагчи.

Тој додаде дека Техеран е подготвен за целосна деескалација.

„Во име на Врховниот совет за национална безбедност изјавувам: Доколку нападите врз Иран бидат запрени, нашите моќни вооружени сили ќе ги прекинат одбранбените операции. Во период од две недели ќе биде овозможен безбеден премин низ Ормускиот Теснец, преку координација со иранските вооружени сили во рамки на техничките ограничувања“, се наведува во соопштението.