Skip to content
Пратеникот Оливер Спасовски учествува на 152. Собрание на Интерпарламентарна унија, кое се одржува во Истанбул, Турција.
Во рамки на Собранието, Спасовски се обрати на седницата на Комитетот за мир и меѓународна безбедност, посветена на улогата на парламентите во воспоставување одржливи механизми за постконфликтно управување и градење траен мир.
Во своето обраќање, тој истакна дека мировните договори претставуваат само почетен чекор, додека одржливиот мир се гради преку силни институции, јасна правна рамка, отчетност и инклузивност.
Спасовски нагласи дека градењето мир бара континуирана политичка волја, соработка и одговорност, како и активно вклучување на сите општествени чинители.
Тој посебно ја истакна важноста на инклузивноста, потенцирајќи ја улогата на младите, жените и маргинализираните групи во процесите на одлучување, како клучен предуслов за стабилно и праведно општество.
Република Северна Македонија останува посветена на јакнење на институциите, унапредување на демократијата и активен придонес кон меѓународната соработка и градењето мир.
