Skip to content
Астронаутите на Спејс Икс, Џаред Исакман и Сара Гилис, ја завршија својата прва вселенска прошетка за тестирање на нова линија вселенски одела.
Според Скај Њуз, тие имале 13 минути за да го извршат тестот, додека сликите снимени од капсулата „Драгон“ ја покажале Земјата зад астронаутите. Прошетката беше закажана за 11 часот по средноевропско време и започна два часа подоцна.
Mission Specialist @Gillis_SarahE is conducting the same series of suit mobility tests @rookisaacman completed pic.twitter.com/XbS6SNFv3a
— SpaceX (@SpaceX) September 12, 2024
Исакман беше првиот што остана во орбитата, а по враќањето во капсулата, Гилис се искачи на височина од 700 километри.
-Прекрасно е, коментираше Исакман за време на неговото време во орбитата. Џаред Исакман, пилот и милијардер, основач на компанијата за електронско плаќање Шифт 4, ја финансира мисијата Поларис, како и неговиот лет Инспирејшн 4 со Спејс Икс во 2021 година.
View of inside Dragon as the spacecraft continues to repress and conduct the hatch leak check pic.twitter.com/mZAQzKLtVT
— SpaceX (@SpaceX) September 12, 2024
Тој одби да каже колку плаќа за мисиите, но се смета дека тие чинат стотици милиони долари, наведуваат британските медиуми.
Во оваа мисија се и пилотот Скот Потита и инженерката Ана Менон. Вселенското летало „Драгон“ ја обиколи Земјата најмалку шест пати вчера во овална орбита што се протега на 1.400 километри, што е најдалечното патување на луѓето во вселената од последната американска мисија „Аполо“ во 1972 година.
МИА
