Бизарно барање: Пет години по разводот од Том Круз Кејти Холмс не смее да има нов партнер

Иако веќе со години се шпекулира дека актерката Кејти Холмс е во љубовна врска со Џејми Фокс, потврда за нивната врска сè уште нема од нив двајца.

Како што пренесуваат странските медиуми, Кејти, всушност, ја крие љубовта со Џејми откако се развела од Том Круз, наводно бидејќи не смее да биде со никој во јавна врска. Токму тоа било дел од договорот за развод.

Еден извор за „Радар онлајн“ изјави дека Кејти потпишала договор во кој Том се оградил од бројни ситуации во кои таа по разводот би можела да му „наштети“ на неговиот имиџ.

Покрај останатото, таа не смее да зборува за скиентологијата и јавно да се гледа со друг маж пет години по разводот.

– Таа смее да биде во љубовна врска со други мажи, но не смее да го прави тоа јавно. Исто така, не смее да зближува ниту еден нов маж со ќерката Сури, која ја доби во бракот со Том – изјави изворот и додава дека Кејти толку многу го сакала разводот што се согласила на сите услови.

– Кејти толку многу сакаше да излезе од тој брак што се согласи на сè – заклучи изворот.

Двојката се разведе во 2012 година, што значи дека Кејти до 2017 година ќе мора да го крие љубовниот живот далеку од очите на јавноста.