Борбата за старателство врз синчето ја елиминира Азаренка од УС Опен

Тениската суперѕвезда, Викторија Азаренка, е бесна затоа што судијата ја доведе пред неверојатно тежок избор – тениската игра или нејзиното дете – што го предизвика нејзиното откажување од Отвореното првенство на САД.

Поранешниот тениски број 1, е заглавена во непријатен спор со Били МекКег, таткото на нејзиниот 8-месечен син, Лео. Двајцата се разделија во јули, оваа година.

Еве го проблемот … Меккег поднесе документи за старателство во Лос Анџелес (каде што Викторија има дом), а случајот му беше препуштен на судија кој и кажа на Азаренка дека не е дозволено да го изнесе детето од Калифорнија, додека трае истражната постапка … а таа нема да заврши до октомври, најрано.

УС Опен започнува на 28 август во Њујорк. Викторија нема да го остави своето дете, кого го доеше до пред еден месец, на Меккег, бидејќи таа не верува дека е способен да се грижи за детето.

Нејзиниот адвокат, Лаура Васер, изјави пред судијата дека нејзината клиентка е подготвена да купи авионски билет за Меккег и да го смести во хотел за време на двонеделниот турнир, но судијата ја одби таа понуда.

Васер, исто така, му рекла на судијата дека нејзиниот клиент има адреса на живеење во Белорусија, земјата каде што тројцата, Викторија, Лео и Били, имаат жителство. Но, поради некоја причина судијата не дозволува за старателството на Лео да одлучува судот во Белорусија.