Брз колач од соништата: Јогурт, чоколадо и кокос – готов за кратко време, дури не ви е потребен ни миксер

Ако сте љубител на кокос, овој колач со јогурт, кокос и какао ќе ве воодушеви. Потребни се само неколку минути за подготовка – без употреба на миксер! Едноставно измешајте ги состојките, растопете го чоколадото за глазурата, прелијте го и почекајте колачот да се испече.

Најдолгиот дел од подготовката е всушност чекањето да се испече.

Состојки:

– 1 чаша јогурт

– 1 чаша млеко

– 1 чаша масло

– 1 чаша кокосово брашно

– 1 ванилин шеќер

– 2 чаши шеќер

– 2 чаши брашно

– половина прашок за пециво

– 2 лажици какао

Глазура:

– 100 г чоколадо

– 3 лажици масло

Подготовка:

Измешајте ги сите состојки (освен какаото), а потоа додадете какао во прав на половина од смесата. Истурете ја темната смеса во намастен и набрашнет плех, а потоа прелијте го остатокот од смесата врз неа. Печете во претходно загреана рерна на 180 степени околу половина час (проверете со чепкалка за заби).

Направете глазура од чоколадо и масло, а потоа прелијте ја врз печениот колач.