Skip to content
Тениската репрезентација на Чешка ја одбрани титулата во Дејвис купот откако во финалето вечерва во „Комбанк Арена“ во Белград ја совлада Србија со 3:2.
Во решавачкиот меч Радек Штепанек со 3:0 во сетови го победи српскиот тенисер Душан Лајовиќ.
Во текот на мечот Штепанек доминираше и го искористи своето искуство во вакви дуели за разлика од противникот. Штепанек на Лајовиќ му препушти само пет гема во решавачкиот меч.
Во првиот меч денеска Новак Ѓоковиќ со 3:0 во сетови го победи Томаш Бердих и тогаш изедначи на 2:2, со што финалето мораше да се решава во последниот меч.
Со оваа победа Чешка ја одбрани титулата освоена минатата година и за нив ова е трета титула во Дејвис купот, откако првата ја освоија во 1980 година како дел од Чехословачка.
