„Чисто лице“: Шестмина во ефективен, четворица во куќен притвор, осомничен и цариник

По истрагата под назив „Чисто лице“, Скопскиот кривичен суд за шест лица определи ефективен, а за  четворица куќен притвор.

Осомничените се под истрага поврзана со нелегален увоз и употреба на ботокс и филери. Дел од нив се лекари од јавното здравство но и сопственици на приватни ординации. 

Првичните наоди на истрагата се алармантни – препаратите преку нелегални канали, на пазарот завршувале на црно. Според истрагата, станува збор за организирана мрежа на која и се става на товар шверц со нерегистрирани медицински препарати, кои потоа биле користени при естетски интервенции врз пациенти во земјава. 

Во нелегалниот синџир бил вклучен и царински службеник, кој се сомничи дека примал мито за да овозможи непречен влез на препаратите во државата.

Извор – 24Вести