Даниел Поповиќ откри која е Џули од неговиот хит: Се работи за вистинска личност

Музичарот Даниел Поповиќ со неговата хит песна „Џули“ ја претставуваше поранешна Југославија на „Песна за Евровизија“ во 1983 година во Минхен. Тој го освои високото четврто место и песната стана вистински хит.

Текстот за песната го напишал Марио Михаљевиќ, а името Џули било идеја на Даниел, пишува Ин магазин. Тој дури сега откри дека Џули е вистинска личност.

Така ја викал неговата прва љубов, на која ѝ ја посветил песната. Таа со нејзините родители дошле од Германија на море.

„Ангела беше личноста на која ѝ е посветена таа песна. Ангела Башеврал“, откри Даниел во „Ин магазин“.

Тој во разговорот се потсети и на евровизискиот настап.

„Пред да настапам, сцената многу брзо се менуваше. Додека излегував, кон мене туркаа еден клавир. Разминувајќи се со него, ми се закачи сината јакна и за малку ќе паднев во една дупка длабока 4 метри. Едвај се спасив. За малку ќе се распарчев долу како лубеница и со тој стрес морав и да пеам. Некој ќе рече, види го стои како „дрвена Марија“, а јас бев среќен што воопшто останав жив“, изјави тој.

„Џули“ е препеана на многу светски јазици.

„Во Норвешка АББА имаше 25.000, а јас 40.000, што е феноменално. Во еден момент, таму, бев и пред Мајкл Џексон по бројот на продадени плочи. Што се однесува до Германија, таму продадов 500 илјади плочи, каде што бев и пред Дејвид Боуви и Мајкл Џексон на топ листите. „Браво“ го основа мојот фан клуб. Постојано одевме на гостување од една во друга емисија, беше навистина лудо.“, изјави Даниел Поповиќ.