Skip to content
Бијонсе се породи. Музичката дива и Џеј Зи им посакаа добредојде на овој свет на близначиња.
Среќната вест ја потврди извор близок на парот за реномираното списание People. „Бијонсе и Џеј Зи се многу возбудени и веќе започнаа да ја споделуваат веста со семејството и најблиските пријатели – изјавил изворот.
Веста за втората бременост, 35-годишната пејачка ја сподели објавувајќи фотографија од трудничкото стомаче и кратка порака. „Би сакале да ја споделиме нашата љубов и среќа. Благословени сме двојно. Многу сме благодарни што нашето семејство ќе порасне за два и ви благодариме за вашите добри желби“ – напиша таа.
Славните музичари сè уште го немаат потврдено полот на близначињата. Тие заедно имаат уште едно дете – петгодишната ќеркичка Блу Ајви.
