Еве колкава опремнина ќе му исплати Реал на Чаби Алонсо

Чаби Алонсо (44) повеќе не е тренер на Реал Мадрид, потврди Кралскиот клуб на својата официјална веб-страница. Чаби и Реал го раскинаа договорот по меѓусебна согласност само еден ден откако Мадрид загуби со 3:2 од Барселона во финалето на шпанскиот Суперкуп. Нов тренер ќе биде Алваро Арбелоа (42).

Отказот на Чаби Алонсо ќе биде скап потег за Реал. Шпанскиот тренер и поранешен играч на Реал имаше плата од 8-9 милиони евра по сезона. Шпанскиот весник „Ел Дебета“ пишува дека Реал ќе мора да му плати 15 милиони евра отштета на Чаби Алонсо. Да потсетиме дека минатото лето Реал му плати уште 15 милиони евра на Баер Леверкузен за Алонсо да се пресели во Мадрид.

Поразот од Барселона му пресуди на Алонсо

Шпанскиот Суперкуп беше означен како еден вид „последен тест“ за Алонсо, а евентуален трофеј би ја смирил ситуацијата на клупата. Откако Реал го нокаутира Атлетико Мадрид во полуфиналето, поразот од Барселона во финалето дополнително ја разниша самодовербата на раководството, па наскоро дојде одлуката за прекин на соработката. Поранешниот шпански играч од средниот ред го предводеше тимот во 34 натпревари, оствари 24 победи, четири нерешени резултати и шест порази.