(Фото) 7-те најбогати фармери во светот – Имале храброст да ги инвестираат своите пари во земјоделството, не се исплашиле од конкуренција и станале едни од најбогатите во светот

Кога велиме „фармер“, обично мислиме на личност која го поминува поголемиот дел од своето време на фарма или на нива, обидувајќи се да ги добие најдобрите култури дури и кога условите се против нив. Но, во пејзажот на современото земјоделство, новите технологии го поттикнуваат развојот на успешни фарми во бизнисот.

Има фармери кои успеале да постигнат извонредни перформанси во земјоделството. Нивните достигнувања им овозможуваат да се рангираат меѓу најбогатите луѓе во светот. Најбогатите фармери во светот можеби не поминуваат цел ден на терен, но секогаш се во канцеларија и ги координираат своите бизниси.

Овие луѓе имале храброст да ги инвестираат своите пари и време во земјоделската индустрија, не се исплашиле од многу силната конкурентна средина, и станале едни од најбогатите во светот.

Хауард Бафет

Хауард Бафет е активен во различни области, од бизнис и политика, до земјоделство, конзервација и фотографија. Тој е среден син на милијардерот Ворен Бафет.

Откако се откажал од 3 колеџи, Хауард Бафет решил да стане земјоделец и да одгледува пченка и соја. Тој поседува голема семејна фарма во Илиноис и неколку фарми во Небраска, заедно со неговиот син. Има и три истражувачки фарми во Аризона, Илиноис и Јужна Африка. Хауард Бафет се гордее што ги одржува своите фарми без помош од богатството на семејството Бафет, неговото богатство се проценува на 200 милиони долари.

Колин и Дејл Армер

Семејството Армер обезбеди место на листата на најбогати луѓе во Нов Зеланд, благодарение на нивната многу успешна фарма за млечни производи. Тие го поседуваат Dairy Holdings, најголемиот конгломерат за производство на млечни производи во Нов Зеланд вреден приближно 535 милиони долари.

Колин и Дејл Армер го започнале својот бизнис во семејна фарма за млечни производи во 1990-тите, а сега поседуваат и управуваат со 58 фарми за млечни производи, како и потпорни блокови за пасење.

Тони Перич

Тони Перич и неговиот брат наследиле фарма за млечни производи од нивните родители. Фармата е основана во 1951 година, и тогаш имала 25 молзни крави. Денес, фармата поседува повеќе од 2000 крави и има станици во Западен Вајалонг и Транџи во Австралија, каде што компанијата одгледува житарки и залихи. Богатството на Тони Перич се проценува на 750 милиони долари.

Блаиро Маџи

Блаиро Маџи е син на Андре Маџи, кој ја основал Andre Maggi Group, најголемиот приватен производител на соја во светот. Групацијата објавила продажба од 3 милијарди долари во 2012 година, обезбедувајќи му место за Блаиро Маги на листата на најбогатите луѓе на Форбс во светот.

Групацијата е предводена од сопругата на Андре, Лусија, но Блаиро Маџи поседува повеќе од 16%. Компанијата има интереси и во вештачки ѓубрива, енергија, екстракција на гума и транспорт.

Хари Стајн

Рангиран од магазинот Форбс како најбогат човек во државата Ајова во 2015 година, Хари Стајн стои зад Stine Seed, успешна генетска компанија. Неговото богатство се проценува на околу 3,6 милијарди долари.

Хари Стајн пораснал на фарма и го започнал својот бизнис со одгледување семиња во 1960-тите. Страдајќи од дислексија и благ аутизам, Стајн многу добро се снаоѓал кога станува збор за податоците и математиката. Stine Seed е најголемата приватна компанија за семиња во светот, која создава некои од генетски најцврстите семиња од соја.

Лиу Јонгхао

Лиу Јонгхао е еден од најбогатите луѓе во Кина, со богатство проценето од Форбс во 2016 година на 4,1 милијарда долари, изградено првично на фарма за кокошки и потполошки што ја основал со своите браќа.

Лиу Јонгхао ја започна својата кариера како наставник во техничко училиште. Во 1982 година, тој одлучил да започне сопствен бизнис, заедно со неговите тројца браќа. За да соберат пари и да ја финансираат бизнис идејата, четворицата ги продале своите велосипеди и часовници, успевајќи да добијат околу 120 долари, обртни средства за започнување бизнис. Браќата ги вложиле своите пари во купување и одгледување потполошки и кокошки и ги продавале на фармери во руралната провинција Сечуан. Тие го зголемиле својот бизнис започнувајќи продажна мрежа за добиточна храна.

Неговата компанија сега е една од најголемите земјоделски компании во Кина. Во 2013 година тој ѝ го отстапил раководството на бизнисот на својата ќерка Лиу Чанг, но останал во управниот одбор на компанијата.

Стјуарт и Линда Ресник

Најголемиот дел од богатството на семејството Ресник, проценето на 4,2 милијарди долари, доаѓа од ф’стаците и бадемите кои се одгледуваат на нивната фарма од 64.000 хектари во Калифорнија. Тие инвестирале повеќе од 100 милиони долари во одржливи технологии, за да создадат ф’стаци отпорни на суша, за да се прилагодат на тековната суша во Калифорнија во последните години.

Нивниот земјоделски бизнис започнал во доцните 1970-ти, откако се венчалеа, кога Стјуарт Ресник решил да инвестира во големи површини обработливо земјиште во Централната долина на Калифорнија. Денес, производите на нивната компанија Wonderful Company ги купуваат речиси половина од Американците.

Извор: luxatic.com