(ГАЛЕРИЈА) Илјадници граѓани во Скопје им оддадоа почит на жртвите од страшната трагедија во Кочани

Илјадници граѓани, претежно млади, се собраа на плоштадот Македонија во Скопје за да оддадат почит на жртвите од трагедијата во Кочани. Со подигнати мобилни телефони и вклучени светилки, симболично испратија порака за солидарност и незадоволство.

Присутните упатија јасни пораки за недоверба во системот, истакнувајќи дека чувството на несигурност станало дел од секојдневието – како на улиците, така и во клубовите.

Атмосферата на плоштадот е мирна и траорна по големата трагедија во Кочани кога 59 лица го изгубија животот, а 196 се на лекување.