Skip to content
Една неодамнешна студија од Универзитетот Харвард покажа дека јадењето само две порции црвено месо неделно може да го зголеми ризикот од развој на дијабетес тип 2, пишува republika.rs.
Што е порција од 70 грама црвено месо?
Оваа количина одговара на две дебели кришки сланина или еден и пол колбас. Исто така, во истата количина спаѓаат и пет парчиња шунка, пет лажици сварено мелено месо или половина јагнешки стек.
Иако црвеното месо може да биде добар извор на протеини, витамини и минерали, вклучувајќи железо, цинк и витамини од групата Б, исто така може да содржи премногу сол и заситени масти. Преработеното месо често содржи контроверзни конзерванси и хемикалии кои се додаваат за да се продолжи рокот на траење и да се подобри вкусот и изгледот.
Покрај ризикот од дијабетес, внесот на црвено и преработено месо е поврзан и со зголемување на телесната тежина. Дебелината е еден од најголемите фактори на ризик за развој на дијабетес тип 2.
