Skip to content
После Твитот на Доналд Трамп, во саботата наутро, во кој вели дека ќе ја “повлече” поканата за посета на Белата куќа, на играчот на “Голден Стејт”, Стивен Кари, заради традиционалната прослава на НБА титулата, Леброн Џејмс се обрати на Твитер за да му упати на претседателот дел од своите размислувања.
U bum @StephenCurry30 already said he ain’t going! So therefore ain’t no invite. Going to White House was a great honor until you showed up!
— LeBron James (@KingJames) September 23, 2017
“Еј “bum” @StephenCurry30 веќе рече дека нема да оди!”, напиша Џејмс. “Значи, нема никаква покана. Приемот во Белата куќа беше голема чест се додека не се појави ти!”
Кари неодамна јасно стави до знаење дека нема да ја посети Белата куќа, иако неговиот тим, “Голден Стејт”, го освои НБА шампионатот во 2017 година.
“Не сакам да одам. Тоа е мое убедување. Ако бев само јас, ќе беше прилично краток разговор”, изјави Кари за новинарите за време на медиумскиот ден на Голден Стејт.
Џејмс, исто така, рече дека нема да ја посети Белата куќа ако неговиот тим, Кливленд Кавалирс, стане шампион.
“Приемот во Белата куќа е голема чест за шампионот”, изјави Трамп. “Стивен Кари се двоуми, затоа поканата е повлечена!”
Going to the White House is considered a great honor for a championship team.Stephen Curry is hesitating,therefore invitation is withdrawn!
— Donald J. Trump (@realDonaldTrump) September 23, 2017
