Летна компир чорба: Вкусен евтин ручек кој се подготвува брзо и лесно

Компир чорбата е неодминлив класик во многу домаќинства, но во текот на потоплите денови честопати сакаме нешто полесно и освежително. Затоа ви ја претставуваме верзијата на оваа омилена чорба во летно издание, полна со зеленчук, лесна за желудникот и богата со вкусови.

Состојки:

4 компири со средна големина, излупени и исечкани на коцки

1 лажица маслиново масло

1 мал кромид, ситно исечкан

2 чешниња лук, ситно исечкани

4 чаши супа од зеленчукови коцки

1 средна пиперка, исечкана на коцки

1 среден морков, исечкан на коцки

1 лажичка сушена мајчина душичка

Сол и црн пипер по вкус

Подготовка:

Во голем сад загрејте го маслиновото масло на средна температура. Додадете го исечканиот кромид и сечканиот лук, а потоа пржете додека кромидот не стане проѕирен и миризлив. Додадете ги исечканите компири во садот и мешајте неколку минути, дозволувајќи им малку да поруменат.

Истурете ја зеленчуковата супа и оставете да зоврие. Намалете ја температурата на ниско и варете на тивок оган околу 15-20 минути, или додека компирите не омекнат. Дури потоа додадете моркови и пиперки, ова се два здрави вида зеленчук и не треба да се готват толку долго како компирите, за да не ги изгубат своите витамини. Крчкајте уште 5-7 минути додека зеленчукот не се свари, но сепак да е малку крцкав. Додадете ја сувата мајчина душичка, зачинете со сол и црн пипер по вкус.

Тргнете го садот од оган и оставете ја супата малку да се олади пред сервирање, украсете со свеж магдонос или власец по желба.