Николовски со тутунoпроизводителите во Прилеп: Субвенциите ги исплативме, продолжуваме заеднички и во новата реколта

Министерот за земјоделство шумарство и водостопанство, Љупчо Николовски, денеска е во посета на тутунопроизводителите во Прилеп, откако вчера им беа исплатени рекордни 26 милиони евра за субвенции за тутун.

„Дојдов во Прилеп, лично да им ја соопштам убавата вест на тутунарите, и да слушнам директно од нив како тече исплатата на субвенциите за предаден и произведен тутун од реколта 2022. Тутунот е важна култура за државата, но и тешка и макотрпна работа за производство. Затоа ние ја цениме и вреднуваме маката на тутунарите“, соопшти Николовски.

„Дадениот збор го исполнивме. Рекордни 26 милиони евра се слееа на сметките на тутунарите, со едно решение во еден ден. За прв пат откупната цена достигна 290 денари по килограм, како никогаш досега имавме година во која се откупот помина во без ниту еден проблем, а целокупното производство беше откупено 2 месеци порано. Подготвени сме и оваа 2023 како министерство, заедно со тутунарите да постигнеме уште подобри резултати“, истакна Николовски.