Победа за Ѓорческа, пораз за Стоилковска во двојки на фјучрсот во Анталија

Македонските тенисерки денеска со променлив успех настапија во двојки на фјучрсот во Анталија.

Лина Ѓорческа со Анастасија Вдовенко од Молдавија (3, носителки) во четвртфиналето ги победија Чемре Анил (Турција) и Дариа Сапогова (Белорусија) со 6:2 и 6:3 во гемови.

Магдалена Стоилковска со Мартине Дитлев (Данска) загубија од првите носителки Наталија Костиќ (Србија) и Моник Цур (Холандија) со 6:2 и 6:2 во гемови.

Токму првите носителки ќе бидат противнички на Ѓорческа и Вдовенко во полуфиналето.

Двете наши тенисерки утре ќе играат мечеви од 2.коло во поединечна конкуренција.