Skip to content
Веста дека маж ѝ ги пресекол двете раце на сопругата во напад на љубомора пред 6 години ја потресе не само Русија туку и целиот свет. Имено, како што објавија тогаш локалните медиуми, мажот ѝ понудил на неговата тогашна сопруга да се прошетаат до шумата по работното време, каде што со секира ѝ ги пресекол двете раце, по што ја вратил назад во Москва и ја однесел на Итна Помош, а тој сам се пријавил во полиција и го признал делото.
Димитри и Маргарита се запознале на училиште и почнале да се забавуваат по факултетот. Тие двајцата биле среќни заедно, но тој многу брзо избувнувал за сосема неважни работи и ѝ ветил дека ако го изневерува ќе ја убие.
Кризата во нивната врска започнала откако Магргарита се вработила во маркетинг тимот на локален весник, а тој иако со диплома, не можел да најде друга работа освен како возач на виљушкар. Како минувало времето тој се повеќе бил љубоморен на нејзините колеги и на нејзината кариера, а дома се поповлечен.
Кога Маргарита побарала да се разделат, тој целосно го игнорирал нејзиното барање, а кога ги донела документите за развод, тој „полудел“. Една вечер ја нападнал во нивниот двособен стан, вознемирувајќи ги и децата, а следниот пат кога ѝ се заканил со нож, таа го пријавила во полиција.
Во едно од интервјата со неа, Маргарита изјавила дека откако го пријавила во полиција, дежурниот полицаец ја информирал дека ќе ѝ одоворат на пријавата за 20 дена.
-Му посочив дека дотогаш тој би можел да ме убие 20 пати, раскажала таа.
Пет дена откако нејзиниот случај бил одбиен поради недостиг на докази, Димитри ѝ ги отсекол дланките на Маргарита. Остатокот од нејзината лева рака била пронајден во шумата и повторно ѝ бил зашиен за време на деветчасовна операција, додека на десната ѝ била ставена протеза во Германија со пари од донации.
Прокурор запросил 17 лет для Дмитрия Грачева, отрубившего руки жене. Его обвиняют по статьям об угрозе убийством, похищении человека и нанесении тяжкого вреда здоровью. Грачев признал вину только по последней статье. pic.twitter.com/tUK6gN9eWW
— Телеканал 360° (@360tv) November 7, 2018
По сето ова низ што поминала Маргарита не верувала дека повторно ќе може да поверува во љубов, судбината имала други планови за неа.
-Трпеливо ме чекаше и не ме притискаше. Верувам дека затоа и успеа. Моите два сина одлично се согласуваат со него – вели Маргарита за Максим, нејзиниот втор сопруг, кој долго време ѝ бил пријател, додавајќи дека нејзините синови не знаат ништо за тоа како татко им ѝ ги отсекол рацете на нивната мајка.
-Знаат само дека е во затвор и толку, вели таа.
Инаку, Максим и Маргарита се венчале во 2020 година, а веќе во 2021 година се родила нивната ќерка Јарослава.
На крајот за неа пристигнале и добри вести од Европскиот суд за човекови права, кој ѝ наложил на Русија да им плати отштета на четири жртви на семејно насилство, меѓу кои и Маргарита Грачева.
Според одлуката на Европскиот суд за човекови права, руската влада мора да ѝ плати на Грачова и да ѝ ги покрие сите минати и идни медицински трошоци, како и надомест за моралното и физичкото страдање поради тоа што не реагирала соодветно. Во пресудата се наведува и дека три други жртви на семејно насилство, Русинките Наталија Туникова, Јелена Гершман и Ирина Петракова мора да добијат отштета од Русија.
Како што вели Маргарита, за неа најважно е тоа што, според пресудата на Европскиот суд за човекови права, судот ѝ наложува на Русија да донесе закони против семејното насилство.
Денес Грачева е една од најгласните жени против семејното насилство и секојдневно е активна на социјалните мрежи каде ги воодушевува нејзините фанови со фотографии од нејзиниот нов живот, пишува „Wanted.mondo“.
