Проблеми за Барса, Левандовски пропушта одлучувачки натпревари?

Тренерот на Барселона, Ханси Флик изјави дека фудбалерот на неговиот тим Роберт Левандовски ќе ги помине медицинските прегледи, бидејќи мораше да биде заменет на првенствениот натпревар против Селта поради евентуална повреда.

Ќе мора да почекаме“, изјави Флик по натпреварот.

Се чини дека полскиот напаѓач побара замена во завршната фаза од натпреварот против Селта. Тој се фати за горниот дел на левата нога додека седеше на теренот и потоа беше заменет.

Барселона ја победи Селта со 4:3, со голот на Рафиња од пенал во осмата минута од судиското надополнување.

Левандовски е најдобар стрелец на Барселона оваа сезона со 40 гола, од кои 25 во Примера.

Каталонскиот тим има тежок распоред во наредните денови. Во вторник ќе играат против Мајорка во првенството, а на 26 април е закажано финалето од Купот на кралот против Реал Мадрид.

Четири дена подоцна ќе се соочи со Интер во полуфиналето од Лигата на шампионите.