Skip to content
Diners Club Macedonia стана првата франшиза на Diners Club International која создава своја картичка дизајнирана од студенти.
Што ако имаш само 48 часа за да направиш дизајн и маркетинг стратегија за реален клиент?
Тоа беше предизвикот што студентите од Brainster Next College и NU High School Academy го прифатија на првиот Diners Club Hackathon Weekend.
48 часа, без пауза со идеја што направи историја.
Во само еден викенд, студентите работеа во тимови и создаваа решенија кои ги спојуваат дизајнот, маркетингот и стратегијата.
Од истражување на конкуренција, развој на концепт, до визуелен идентитет и промотивни материјали, нивните идеи беа вистинскo oсвежување за бренд со повеќе од 75 години традиција.
Финалниот момент беше голем: тимовите ги презентираа своите решенија директно пред претставниците на Diners Club Macedonia, меѓу кои и Тони Јанковски, Product Development and Innovation, кој изјави:
„Решивме да соработуваме со Brainster Next и NU Академиите затоа што веруваме во студентите и нивниот потенцијал. Ова е уште една шанса да се докажат и да направат реален импакт на пазарот.“
Победниците — новите дизајнери на Diners Club картичката
По интензивниот хакатон, Diners Club Macedonia го избра победничкиот тим, студентите чии идеи ќе станат дел од новата Diners Club картичка за млади.
Тимот освои вредносен ваучер од Diners Macedonia, а сите останати учесници добија подарок ваучери од Sport M како благодарност за нивниот труд и креативност.
Но тоа не е крајот.
Како што откри Весна Терзиевска, Sales Director на Diners Club Macedonia, оваа соработка допрва почнува:
„Ова ни е прва ваква соработка и се надевам дека нема да биде последна. Ќе продолжиме да работиме со студентите и следната година. Diners International се воодушевени од дизајнот и кампањата.“
Со овој проект, Diners Club Macedonia стана првата франшиза во светот која создава своја Diners Club картичка дизајнирана од студенти.
„Излеговме од рамките на зададеното. Студентите донесоа нова енергија, свежина и идеи,“ – додаде Терзиевска.
Победничкиот тим ќе продолжи да соработува со маркетинг агенцијата и Diners Club на финалното лансирање на новата картичка, која ќе ја видиме наскоро!
Новата генерација што го менува правилото на игра
„Јас мислам дека добивме многу добра шанса со тоа што работевме за Diners Club и за ваков проект. Горд сум на нашето решение и сите сме среќни дека ќе можеме да продолжиме да работиме на стратегијата за ваков клиент како Diners Club,“ – Јордан Јосифов, дел од победничкиот тим и студент на програмата UX/UI и графички дизајн на Brainster Next College.
Овој хакатон покажа што значи вистинско практично образование:
да имаш клиент, рок, притисок и тим и да создадеш нешто реално.
Diners Club доби нова перспектива, а студентите сосема ново професионално искуство
Овој проект е и доказ дека иднината на брендови со традиција може да ја дизајнираат оние што штотуку започнуваат своја.
извор: agrotim.mk
