Рецепт на нашите баби: Брза старинска пита – без миксер

Најдобра е кога ќе отстои до следниот ден, но ако не можете да чекате, послужете ја питата топла со топка сладолед од ванила или лажица шлаг.

Ако барате рецепт за колач што не бара миксер, пандишпан или комплицирани работи – но дава богат, сочен и ароматичен резултат – оваа пита од јаболка е совршен избор. Тортата се подготвува „суво“, без мешање или готвење, а јаболката ја прават мека и сочна. Најдобро е да отстои преку ноќ, но ќе ви биде тешко да чекате до утре.

Состојки:

Сува смеса:

– 250 г обично брашно

– 350 г гриз

– 200 г шеќер

– 1 ванилин шеќер

– 1 прашок за пециво

Фил:

– 2 кг јаболка

– 150 г шеќер

– 1 ванилин шеќер

– цимет по желба

Останато:

– 150 г путер

– сок од јаболко (приближно 100 мл, за преливање)

Подготовка:

Во голем сад измешајте го брашното, гризот, шеќерот, ванилиниот шеќер и прашокот за пециво. Излупете ги и изрендајте ги јаболката, потоа додадете шеќер, ванилиниот шеќер и циметот. Нежно измешајте сè. Покријте го плехот со хартија за печење и намачкајте го со путер или масло.

Започнете со сувата смеса – рамномерно распоредете ја на дното. Потоа ставете слој рендани јаболка (оставете ги да го пуштат својот сок). Повторете го процесот уште еднаш или двапати (во зависност од големината на плехот), завршувајќи со сувата смеса.

Потоа прелијте околу 100 мл сок од јаболка врз колачот – тоа ќе помогне колачот убаво да се врзе и да остане сочен.

Изрендајте го или исечете го путерот на тенки парчиња одозгора и рамномерно распоредете ги. Печете во претходно загреана рерна на 180 °C околу 40 минути, додека не добие убава златна боја.