Skip to content
Кристијано Роналдо Јуниор, синот на еден од најдобрите фудбалери на сите времиња, дебитираше за репрезентацијата на Португалија до 15 години.
Наследникот на фудбалерот Ал Насра ги одигра првите минути за португалската репрезентација до 15 години, во момент кој со нетрпение го очекуваа навивачите на оваа земја. Кристијано Јуниор, кој имаше можност да игра за САД, Зеленортските Острови, Шпанија и Англија, на крајот реши да тргне по стапките на својот татко и да ја претставува Португалија на меѓународната сцена.
Тој не го започна натпреварот во стартниот состав на својата селекција на дуелот против Јапонија, но доби шанса во продолжението. На теренот влезе во 53. минута, кога Португалија веќе водеше со 3:0, благодарение на хет-трикот на Рафаел Кабрал. Само што зачекори на теренот, рефлекторите беа насочени кон него, а како да не биде поради неговото презиме и прочуената „седумка“ што ја носи, по моделот на неговиот славен татко.
Играјќи на лево крило, Кристијано Јуниор немаше многу контакт со топката. Португалија продолжи со офанзивниот притисок и ја зголеми предноста. Конечниот резултат гласеше 4:1. Дебито на младиот Роналдо беше различно од она на неговиот татко во 2001 година, кој постигна гол во својот прв натпревар за истата возрасна група против Јужна Африка.
Да потсетиме, Роналдо Јуниор е член на помладите категории на Ал Наср, а во моментов со репрезентацијата на Португалија настапува на турнирот Влатко Марковиќ во малото хрватско место Свети Мартин на Мура.
