Skip to content
На популарната пејачка не и се допадна што хрватското стручно жири и додели само три поени на Теја Дора!
Популарната пејачка Марија Шерифовиќ, која на Србија и ја донесе единствената победа на Евровизија во 2007 година, го следеше синоќешниот спектакл заедно со нејзината мајка Верица и воедно го коментираше настанот на социјалната мрежа Икс каде е многу активна. Како што им откри на своите фанови, на Верица особено и се допаднала изведбата на Ирска, објави Република.рс.
Vera kaze za Irsku – "DO JAJA! NE DA TI DA TREPNES!"
— Marija Serifovic (@futomaki) May 11, 2024
Верица толку се возбудила за случувањата на Евровизија, што Марија решила да ја пријави на фестивалот „Песна за Евровизија“ во 2025 година, каде Србија избира свој претставник.
– Ништо, да ја подготвиме Вера за ПЗЕ – напиша Шерифовиќ.
Nista da spremam Veru za PZE
— Marija Serifovic (@futomaki) May 11, 2024
Она што особено ја налути Марија е моментот на објавување на гласовите. Имено, на Марија не и се допадна што стручното жири од Хрватска и додели малку поени на Теја Дора. Иако хрватската публика на Србија и додели 12 максимални поени преку СМС гласови, соседното стручно жири и даде само три.
Saznajte mi ko je ziri u Hrvatskoj
— Marija Serifovic (@futomaki) May 11, 2024
– Откријте кој е жири во Хрватска – беснееше Марија.
Инаку, Марија пред неколку дена имаше концерт во Славонски Брод, Хрватска, каде ја повика публиката да ги поддржи Теја Дора и Бејби Лазања.
– Знаеш што, за некого Евровизија е важна, за некого не, но вие кои не знаете, утре во девет треба да навивате за вашиот Бејби Лазања. Настапува под број 23, јас знам повеќе од вас! рече Марија.
