Состојбата на Михаил Шумахер малку се подобрила

Здраствената состојба на Михаил Шумахер малку се подобрила, што ѝ дозволила на медицинската екипа од Универзитетската болница во Гренобл да изврши нова хируршка интервенција во текот на ноќта, пренесе МИА од Париз.

Информацијата ја дадоа професорот Пајен и Жаклин Убер, директорката на Универзитетската болница од Гренобл. Според нив, по новата интервенција и скенерот кој бил направен, забележано е изутринава ново подобрување кај Шумахер.

Синоќешната интервенција не била предвидена на почетокот, но таа дозволи да се третира на подобар начин интракранијалниот притисок.

Според професорот Жан-Франсоа Пајен, некои знаци „дозволуваат да се помисли дека ситуацијата е подобро контролирана од вчера“.

Операцијата траела два часа и дозволила да се добие на време, при што бил отстранет еден хематом во мозокот. Но, според екипите има други интракранијални лезии.

– Има подобрување во однос на вчера, но не можам да ви кажам дека е надвор од опасноста. Се може да евалуира кон добро, како и кон лошо, вели професорот Пајен.

Семесјтвото на Шумахер е се уште присутно во болницата. Засега не е предвидено Шумахер да биде пренесен во друга болница, а од таму не се предвидуваат нови прес-конфереции,  освен ако има промена во здраствената состојба на пациентот.