Совршени пиперки за зима, рецептот е едноставен

Потребни состојки:

10 кг мали округли пиперчиња

За растворот:

2 дл оцетна киселина

6 л вода

2 дл масло

15 дкг шеќер

15 дкг сол

Подготовка: Исчистете ги пиперките, измијте ги добро, а потоа избоцкајте ги со игла.

Подгответе раствор од вода, оцетна киселина, масло, сол и шеќер во кој, кога ќе зоврие, варете ги пиперките од едната и другата страна по 2 – 3 минути. Потоа ставете ги пиперките во врели тегли и прелијте ги со растворот во кој се вареле. Наполнетите тегли покријте ги со ќебе, и оставете ги целосно да се изладат.

Откако ќе се изладат, по потреба се додава од преостанатиот раствор во кој се вареле и цврсто се затвораат со капаци, претходно натопени во алкохол.

На ист начин може да се подготват и феферони во тегла за зима.